الموضوع اعجبني وحبيت اكون موضوعنا للنقاش لهذا اليوممحجبة: تقدم لخطبتي ولكنه يشترط قبلها ان يراني بدون حجابي ! فهل اوافق؟
- ابرز ما جاء في الرسالة :
* انا صبية عمري 20 سنة من قرى الشمال , متعلمة ومحجبة ومش ناقصني جمال الحمد لله
* تقدملي عريس كتير منيح بس فاجأني بطلب انو بدو يشوفني بدون حجاب قبل ما يقرر يخطبني
* طلب من ابوي وابوي كتير متحير ناس بيقولوا حرام وناس ثانية بيقولوا مش حرام من حق العريس انو يشوفني
* انا خايفة كتير وخجلانه من أهلي ومن الناس وبنفس الوقت ما بدي اخسروا ...ساعدوني ...اوافقق على طلبوا او لأ
الرسالة كالتالي :
انا صبية عمري 20 سنة من قرى الشمال , متعلمة ومحجبة ومش ناقصني جمال الحمد للله , امن فترة تقدملي عريس وطلب ايدي من اهلي والصراحة ما بخبي الشاب عجبني كتير لاني لقيت في كل المقومات الحلوة للرجل الي بقدر اعيش معو وانا مبسوطة ومتريحة .
قعدت مع الشاب اكثر من مرة في البيت عند أهلي واعجبني وانا حسيت اي اعجبتوا , ولما وصل الموضوع انو خلص لازم نقرر الخطبة , يعني اه او لأ طلب مني طلب انا الصراحة استغربتوا والطلب هو انو يشوف شعري ويشوفني وانا مش حاطه الحجاب على راسي .
استغربت كتير وهو قللي انا الصراحة ما بقدر اخطبك غير ما اشوفك مش لاني لا سمح الله خايف من ايشي معين , لأ بس هاذا من حقي في الدين كمان مش حرام , وقللي انو راح يحكي مع ابوي وبالفعل حكا لابوي , المشكلة انو ابوي متحير ناس بيقولوا حرام وناس ثانية بيقولوا مش حرام من حقوا .
[ندعوك للتسجيل في المنتدى أو التعريف بنفسك لمعاينة هذا الرابط]
صورة توضيحية
انا متحيرة كتير وفي كتير شغلات بتدور براسي ...يا ترى هل خلعي للحجاب حرام قدام هادا الشاب الي طالبني بالحلال؟
وهل الدين بيسمحلي اني اخلع عن راسي قداموا لحتى يقرر موضوع الارتباط في او لأ ؟
وانا بأي وجه اذا ابوي واهلي وافقوا اني اخلع الحجاب عن راسي راح اطلع علي ؟ وكيف راح اغدر اطلع بوجه ابوي وهو جاي عندي وانا مزبطه حالي عشان يشوفني ويقرر؟
ويا ترى لنفرض انو ما عجبتوا راح يروح وأنا بكون خسرت جزء من كرامتي ؟ يعني بدو يصير كل واحد يشوف شعري ويشوفني بلا حجاب ويمكن اعجبو ويمكن لأ ؟
انا خايفة كتير وخجلانه من أهلي ومن الناس وبنفس الوقت ما بدي اخسروا ...ساعدوني ...اوافقق على طلبوا او لأ .
فأرجو من الجميع طرح رأيه بالموضوع